Nakatakdang makakuha si Alex Eala og premyo nga mokabat sa P13.4 milyon kon modaog siya sa iyang ikaduhang round sa dula sa US Open nga ipahigayon sa USTA Billie Jean King National Tennis Center sa Queens, New York.
Si Eala gikatakdang makigsangka ni Cristina Bucsa sa Spain sa ikaduhang round diin $237,000 nga premyo o kapin sa P13 milyon ang nakataya.
Sa pagkakaron, si Eala adunay $154,000 o halos P9 milyon nga premyo pagsulod pa lang sa ikaduhang round.
Si Eala miabante sa ikaduhang hugna dihang miposte siya og 6-3, 2-6, 7-6 (11) nga kadaugan batok kang world No. 15 Clara Tauson sa Denmark.
Si Eala nagtinguha nga mapadayon ang iyang maayong momentum ug gilauman nga ihatag niya ang tanan aron makuha ang ticket sa ikatulong hugna.
Pagsulod sa ikaduhang hugna sa US Open, si Eala kay ika-69 sa WTA live rankings.
Nalipay si Eala sa paglambo sa tennis dili lang sa Pilipinas kon dili sa Southeast Asian region.
Gawas kang Eala, miabante usab sa second round si Janice Tjen sa Indonesia, kinsa iyang nailhan tungod kay nakadula niya sa tennis circuits.
