Gikoronohan nga Miss Universe Philippines 2025 si Ma. Ahtisa Manalo sa Quezon Province.
Napildi ni Manalo ang laing 65 ka mga aspirants sa kompetisyon nga gitawag og “puksaan” (pagwagtang) sa mga hugyaw nga pageant fans tungod sa lista sa mga kandidata, lakip na ang mga babaye nga adunay international experience ug national titleholders.
Gipanunod sa bag-ong reyna ang korona sa Miss Universe Philippines nga “La Mer en Majeste” gikan sa midaog sa miaging tuig nga si Chelsea Manalo, sa culmination sa coronation show nga gipahigayon sa Mall of Asia Arena sa Pasay City kagabii.
Gipildi ni Manalo ang laing lima ka mga babaye sa final round sa kompetisyon — mga beterano sa pageant nga sila si Chelsea Fernandez sa Sultan Kudarat, Yllana Marie Aduana sa Siniloan, Laguna, Winwyn Marquez sa Muntilupa, Ma. Katrina Llegado sa Taguig, ug Gabriella Mai Carballo sa Cebu City.
Si Manalo maoy mibalik nga kandidata, kinsa mitapos sa ikatulo sa kinatibuk-an sa miaging tuig nga kompetisyon. Nakuha niya ang titulo nga The Miss Philippines-Cosmo ug gipadala sa inaugural nga edisyon sa Miss Cosmo pageant sa Vietnam sa miaging tuig, diin natapos siya sa Top 10.
Ang iyang unang nasudnong kompetisyon mao ang Reyna ng Aliwan search niadtong 2017, nga nagrepresentar sa Niyogyugan Festival sa Quezon Province, nga mitapos isip second runner-up. Niadtong 2018, gikoronahan siya isip Binibining Pilipinas-International ug gipadala sa Miss International pageant sa Japan diin siya giproklama isip first runner-up
