Giila sa Guinness World Records ang 42-anyos nga musikero nga Hapon nga si Manami Ito isip unang biyolinista nga nakapasundayag gamit ang usa ka kompleto nga prosthetic arm
Nawad-an si Ito sa iyang tuo nga bukton tungod sa usa ka aksidente sa sakyanan niadtong 2004. Apan, human sa tulo ka tuig nga pagbansay, nakakat-on siya pag-usab sa pagtugtog og biyolin gamit ang usa ka espesyal nga artipisyal nga bukton nga kontrolado pinaagi sa mga lihok sa iyang lawas ug abaga.
Gawas sa musika, usa usab siya ka atleta sa Paralympic; girepresentahan niya ang Japan isip manlaloyoy (swimmer) sa 2008 Beijing Paralympic Games ug 2012 London Paralympic Games.
Usa sa mga mahinungdanong higayon sa iyang karera sa musika mao ang pagtugtog og biyolin atol sa seremonya sa pagbukas sa Tokyo 2020 Paralympic Games.
Matod ni Ito, ang iyang kasinatian nagpamatuod nga ang dili pag-undang—bisan pa atubangan sa mga kalisdanan—makahatag og mga oportunidad nga wala damha.











