Nagpahigayon og panagtigom si US President Donald Trump uban sa mga miyembro sa Quad Alliance sa iyang pag-abot sa Pilipinas alang sa pagtambong sa ika-49 nga ASEAN Summit.
Gilangkuban sa upat ka nasud ang Quad, diin nanguna si Trump kauban nila Japanese Prime Minister Sanae Takaichi, Australian Prime Minister Anthony Albanese ug Indian Prime Minister Narendra Modi.
Kataposang nagpahigayon og tigom ang Quad niadtong 2024 sa Delaware, Estados Unidos, ubos sa pagpangulo ni kanhi US President Joe Biden.
Naporma ang maong grupo niadtong 2004 human sa Indian Ocean tsunami ug gibalik ang operasyon niadtong 2017.
Nagtutok ang Quad sa rehiyon sa Indo-Pacific, diin tumong niini nga limitahan ang impluwensiya sa China sa maong rehiyon.
Gidayeg ni Trump ang mga nasud nga sakop sa grupo tungod sa ilang papel sa pagpalig-on sa importanteng kooperasyon sa tibuok kalibotan.
Gipasalig usab ni Trump nga kanunay siyang andam nga makontak sa telepono sa tanang nasud.










