Naigo sa nawong sa usa ka rosaryo si Pope Leo XIV samtang nagsakay sa iyang popemobile ug nangumusta sa mga tawo nga naghulat kaniya sa Lima, Peru.
Nahitabo ang insidente niadtong Lunes, Nobyembre 16, samtang padulong ang Santo Papa sa iyang farewell Mass sa Las Palmas Air Base isip kabahin sa pagtapos sa iyang 12 ka adlaw nga pagbisita sa South America.
Base sa video sa maong panghitabo, usa ka butang nga gituohang rosaryo ang gilabay gikan sa panon sa mga tawo ug miigo sa bahin sa nawong sa Santo Papa, duol sa iyang tuo nga mata.
Makita usab sa video nga napapiyong ang mata ni Pope Leo ug gihikap ang iyang nawong human maigo. Bisan pa niini, nagpadayon siya sa pagpangumusta sa mga deboto ug gituman ang nakatakdang misa.
Wala usab nataho nga grabeng kadaot nga naangkon sa Santo Papa tungod sa insidente.











