-- ADVERTISEMENT --

Mitaliwan na ang Irish boxer nga si Lee “El Champo” Reeves human sa pipila ka bulan nga pakigbisog sa iyang kinabuhi, human ma-knockout sa usa ka boxing match niadtong Agosto 1 sa Dublin, Ireland.

Nakigsangka si Reeves kang Gary Cully alang sa BUI Celtic Light-Welterweight title, apan napildi sa ika-10 nga round human kaduha mapukan sa iyang kontra.

Dali siyang gidala sa ospital ug gioperahan sa wala pa gibutang sa ‘medically induced coma’ tungod sa iyang grabeng kondisyon.

Nagpaabot og kasubo ang iyang coach nga si Jonathan O’Brien ug ang iyang kataposang kontra nga si Cully, nga nagdayeg sa iyang kaisog ug maayong pagkatawo.

Gawas sa boksing, nailhan usab si Reeves isip tigpasiugda sa kahibalo bahin sa mental health ug ambassador sa Limerick Treaty Suicide Prevention group.

-- ADVERTISEMENT --