-- ADVERTISEMENT --

Nag-andam ang General Santos City og nagkalain-laing kalihokan alang sa tinuig nga Paskuhan sa GenSan .

Mag-abli ang kasaulogan sa Disyembre 3 pinaagi sa interfaith rally, samtang sa Disyembre 4 ang opisyal nga ‘lighting of Christmas tree’, mga parol ug dekorasyon sa siyudad.

Gilauman usab nga mahimong sentro sa selebrasyon ang Barangay Pasko sa Piyestang Pinoy Competition diin magpakita sa ilang mga dekorasyon ug pagkamamugnaon ang mga barangay nga moapil sa kompetisyon.

Dugang sa kompetisyon, magpasundayag usab ang nagkalain-laing grupo sa rondalla, chorale ug Christmas dance nga ipakita sa mga estudyante gikan sa nagkadaiyang eskwelahan.

Magpakita usab og walo ka minutos nga fireworks display sa opening ceremony ug laing fireworks display sa Disyembre 8 isip pagtapos sa kasaulogan, diin magpasundayag usab ang mga lokal nga artista.

-- ADVERTISEMENT --

Gibana-bana nga P5 million ang gigahin sa city government alang sa event management sa maong kasaulogan.

Pinaagi niini, gilauman nga mas mapalambo ang talento sa mga lokal ug mahatagan og higayon ang mga pumuluyo nga maghiusa sa pagsaulog sa Pasko.