Nagtigom ang 570 ka mga fans sa karakter nga si Rocky Balboa sa Philadelphia, Estados Unidos, aron makahimo og bag-ong Guinness World Record isip pinakadaghang tawo nga nagsul-ob og parehas nga costume sa maong fictional boxer.
Nahimo ang maong kalihokan niadtong Biyernes, Nobyembre 13, sa hagdanan sa Philadelphia Museum of Art, nga nahimong ilado tungod sa salida nga Rocky.
Nagsul-ob ang mga partisipante og gray sweatshirt ug jogging pants, itom nga bonnet ug itom nga taas nga sapatos, nga mao ang kinaiyang sinina ni Rocky Balboa sa salida.
Nalabwan niini ang kanhing rekord nga 250 ka partisipante, human opisyal nga maihap ang 570 ka tawo nga miapil sa maong kalihokan.
Kabahin kini sa selebrasyon sa ika-50 nga anibersaryo sa salida nga Rocky, nga unang gipasalida niadtong 1976 ug gibidahan ni Sylvester Stallone.
Human makumpirma ang rekord, midagan paingon sa ibabaw sa 72 ka ang-ang sa hagdanan ang mga partisipante, sama sa sikat nga eksena sa maong salida.
