-- ADVERTISEMENT --
Naglusad pag-usab og drone attack ang Iran batok sa usa ka US military base sa Bahrain ning adlaw nga Domingo, ikaduhang pagsulay na kini sa pag-atake sa maong nasud sulod lamang sa tulo ka adlaw.
Sumala sa Islamic Revolutionary Guard Corps o IRGC sa Iran, unom ka drones ang ilang gipadala aron targeton ang US air defence radar facility sa Al-Riffa Air Base sa Bahrain.
Apan sumala sa militar sa Bahrain, malampusong nasagang ug napukan sa ilang air defence systems ang mga drone sa wala pa kini makaabot sa ilang target.
Kahinumduman nga miatake usab og drones ang Iran sa Bahrain niadtong Biyernes, nga maoy unang pag-atake niini batok sa mga nasod sa Gulf sukad niadtong Septiyembre.
