Nakaangkon na og 12 loss ang Milwaukee Bucks sa pagsugod sa season human na usab mapildi sa Orlando Magic, 107-99.
Napakyas ang Bucks nga mabawi ang 15-point 1st-half lead sa Magic, bisan pa sa ilang mas maayong performance sa second half, hinungdan nga napildi gihapon sila og walo ka puntos sa kataposan sa dula.
Wala nakatabang sa Bucks ang double-double performance ni center Myles Turner nga adunay 14 points ug 11 rebounds, lakip ang 22 points nga natampo sa bag-ong reserve player nga si Jaime Jaquez Jr., tungod sa negatibong performance sa ubang mga magdudula sa Milwaukee.
Mipasundayag na usab og 35 points si Magic forward Franz Wagner pinaagi sa 13 ka field goals, lakip ang 12 assists ug siyam ka rebounds sulod sa 36 minutos nga pagdula.
Dugang pa, mitampo usab og 21 points ang guard nga si Desmond Bane, diin 18 niini gikan sa unom ka three-point shots nga iyang napasulod.
Dili maayo ang gipakitang duwa sa Bucks ug napakyas silang makapuntos pag-ayo sulod sa paint, diin 26 points lamang ang ilang nahimo sa tibuok 48 minutos nga dula.
Gipahimuslan usab sa Magic ang daghang turnovers sa Bucks aron makadugang og puntos pinaagi sa paspas nga transition offense.
Sa pagkakaron, usa sa mga koponang adunay labing ubos nga baroganan sa season ang Milwaukee Bucks, nga adunay 1-12 nga win-loss record, samtang ang Orlando Magic aduna nay 5-7 nga kartada.
