Mibalik sa pagsul-ob og military uniform ang BTS members nga sila Jin, J-Hope, V ug Jimin alang sa ilang pag-apil sa military reserve training sa South Korea.
Gipaambit ni Jin sa Weverse ning Biyernes ang duha ka hulagway diin makita sila nila J-Hope ug Jimin nga nagsul-ob og military uniform, samtang nag-post usab si V sa kaugalingong hulagway sa iyang Instagram account.
Sumala sa taho, miapil ang mga miyembro sa maong pagbansay human makompleto ang ilang mandatory active-duty military service sa South Korea.
Si Jin ang unang nahuman sa serbisyo niadtong Hunyo 2024, gisundan ni J-Hope niadtong Oktubre 2024, samtang sila Jimin ug V parehas nga nahuman niadtong Hunyo 2025.
Nagkahiusa pag-usab ang BTS niadtong 2025 ug nagpagawas sa ilang comeback album nga “Arirang,” ug gikatakdang maghimo og tulo ka concert sa Manila sa Marso 2027.
