Babaye, nakadiskobre og painting nga mokantidad og $3 million sulod sa aparador

Usa ka babaye sa New York, USA ang nakadiskobre og painting sa bantog nga artist nga si Georgia O’Keeffe sulod sa aparador sa iyang iyaan samtang naghan-ay sa mga gamit niini.

Ang maong artwork nga gihimo niadtong 1930, dugay nang gitago sa pamilya sulod sa halos upat ka dekada.

Gibanabana nga mokantidad kini og 3 hangtod 5 million dollars o kapin P174 million sa subasta nga gikatakdang ipahigayon karong Nobyembre 17.

Gikumpirma sa mga eksperto nga orihinal ang maong painting human susihon ang pirma ug mga dokumento niini.