Gikuwestiyon sa impeachment trial ni Vice President Sara Duterte ang kredibilidad sa unang testigo sa defense team nga si Davao City Assessor Engineer Jaime Adalin.
Giinsistir ni Adalin atol sa direct examination sa defense team nga gilakip sa Statement of Assets, Liabilities and Net Worth o SALN sa bise presidente ang property sa iyang bana nga si Manases Carpio nga nahimutang sa Matina Crossing, Davao City.
Apan atol sa pagpangutana ni Senator-Judge Bam Aquino, nga nagsilbing senator-judge, nasayran nga dili sigurado ang testigo kung pareho ba ang 379-square-meter nga yuta nga adunay Transfer Certificate of Title o TCT number nga nagtapos sa 0775 sa Matina Crossing ug ang property sa Barangay 74-A nga gilakip sa SALN ni Duterte.
Sa dugang nga pagpangutana ni Aquino, miangkon usab si Adalin nga wala niya masusi pag-ayo ang mga property ni Duterte sa Barangay 74-A, busa dili niya matino kung pareho ba ang duha ka yuta nga gihisgotan.
