Gikatakdang mobisita sa Pilipinas si Hollywood actress Angelina Jolie isip usa sa mga mamumulong sa 2026 ASEAN Inclusive Growth Summit nga ipahigayon sa Nobyembre 11.
Kabahin si Jolie sa mga inila nga personalidad nga motambong sa maong kalihokan diin hisgutan ang ekonomiya sa Southeast Asia uban sa mga representante gikan sa nagkalainlaing sektor.
Nailhan si Jolie sa iyang mga adbokasiya alang sa proteksyon sa kababayen-an ug kabataan, lakip na ang pagpanalipod sa mga refugee.
Gikan 2001 hangtod 2012, nagsilbi siya isip Goodwill Ambassador sa United Nations High Commissioner for Refugees o UNHCR sa wala pa matudlo isip Special Envoy.
Kauban usab sa mga mamumulong si Tony Award-winning actress Lea Salonga, designer Rajo Laurel, Kylie Verzosa ug Trade Secretary Cristina Roque.
