Gipasidan-an ang publiko sa posibleng pagsaka sa heat index ngadto sa danger ug extreme-danger levels gikan Pebrero hangtod Hunyo sa sunod tuig tungod sa gipaabot nga epekto sa El Niño.
Sumala sa state weather bureau, ang heat index nga moabot sa 42 hangtod 51 degrees Celsius giklasipikar nga danger level, samtang extreme danger na kung moabot sa 52 degrees Celsius pataas.
Gipasidan-an usab ang publiko nga ang grabeng kainit mahimong hinungdan sa heat cramps ug heat stroke.
Gilauman nga molungtad hangtod sa tunga-tunga sa tuig 2027 ang kusog nga El Niño, nga posibleng makaapekto usab sa agrikultura ug mga palaisdaan sa nasud.
Dugang pa sa weather bureau, posible gihapong makasinati og bugnaw nga panahon ang nasud, apan dili na kini sama katugnaw sa miaging tuig.
