PETA Asia, nanawagan og hustisya ug pagpanubag sa pagtrato sa mga lawas sa namatay nga mga binuhing hayop

Gibarugan sa People for the Ethical Treatment of Animals (PETA) Asia nga dili angay isipon nga butang nga basta ilabay o himuong pangnegosyo lamang ang mga hayop, human sa usa ka insidente nga may kalabotan sa pagdumala sa mga lawas sa namatay nang mga binuhing hayop.

Sa pahayag sa organisasyon, gipasiugda niini nga angay tratuhon nga may dignidad, pagtagad ug respeto ang mga lawas sa mga hayop, ilabina kay gitugyan kini sa mga pet guardian ngadto sa mga serbisyo nga nag-atiman sa ilang kataposang pahulayanan.

Nagpaabot usab ang PETA Asia og pahasubo sa mga naapektuhan ug nagpahayag sa suporta sa ilang panawagan alang sa hustisya ug pagpanubag.

Gipadayag sa organisasyon nga ang pagrespeto sa mga hayop dili matapos bisan human sila mamatay.