Gipalig-on sa Department of Energy o DOE ug sa mga stakeholder sa industriya sa Liquefied Petroleum Gas o LPG ang ilang koordinasyon aron mas hugtan ang regulasyon ug kaluwasan sa sektor sa LPG sa Mindanao.
Sa tigom sa DOE-Mindanao Field Office ug mga lider sa industriya, gihisgutan ang hugot nga pagpatuman sa Republic Act No. 11592 o LPG Industry Regulation Act.
Lakip sa mga gihisgutan ang mga hagit sa operasyon ug distribusyon nga giatubang sa mga lehitimong negosyante sa rehiyon.
Gipadayag usab sa DOE-MFO ang padayong pagmonitor aron dali nga mailhan ang mga ilegal nga operasyon ug mga tangke nga dili makaabot sa sumbanan sa kaluwasan.
Nagkauyon ang duha ka panig sa pagpalig-on sa mga estratehiya batok sa ilegal nga pag-refill sa LPG ug uban pang dili luwas nga pamaagi sa pagnegosyo.
Tumong niini nga mapanalipdan ang mga konsumidor ug masiguro ang kaluwasan sa publiko sa tibuok Mindanao.
