Nadakpan sa operasyon sa mga otoridad ang ika-pito nga Regional Most Wanted Person sa Cagayan Valley sa Sagada, Mountain Province niadtong Oktubre 29, 2026.
Giila ang dinakpan sa alyas nga “Jaojao,” 41-anyos ug residente sa Kasibu, Nueva Vizcaya, nga nag-atubang og duha ka kaso sa pagpanglugos.
Gipahigayon ang pagdakop sa mga operatiba sa Nueva Vizcaya Police Provincial Office kauban ang Sagada Municipal Police Station, pinaagi sa warrant of arrest nga gi-isyu sa Regional Trial Court Branch 30 sa Bambang, Nueva Vizcaya, nga walay girekomendar nga piyansa.
Base sa imbestigasyon, nalambigit ang suspek sa duha ka managlahing insidente sa giingong pagpanglugos sa iyang 18-anyos nga paryente niadtong Marso ug Abril 2025 sa Nueva Vizcaya.
Giingong gihulga sa suspek ang biktima aron mapugos kini sa maong mga panghitabo, hinungdan nga wala dayon kini makasumbong tungod sa kahadlok.
Apan niadtong Abril 5, 2026, nakahimo ang biktima nga mosugid sa iyang pamilya bahin sa nahitabo, nga misangpot sa pagreport sa insidente sa kapulisan ug pagpasaka sa mga kaso batok sa suspek.
