SARANGANI- Giimbestigahan sa kapulisan ang insidente sa pagpamusil nga nahitabo atubangan sa Pacman Beach Resort sa Sitio As Nalang, Barangay Tinoto, Maasim, Sarangani Province, alas 10:00 sa buntag karong Oktubre 25, 2026.
Giila ang suspek nga si Mario Joselito Arias Palanas, 59 anyos, caretaker sa maong beach resort ug residente sa Barangay Tinoto, samtang wala pa mailhi ang gipusil nga indibidwal.
Base sa inisyal nga imbestigasyon, misulod sa balay nga gipuy-an sa suspek ang wala mailhing indibidwal ug giingong giatake siya niini hinungdan nga gibunlot sa suspek ang iyang armas ug gipusil ang maong indibidwal, nga matod kaniya, gihimo niya isip pagpanalipod sa kaugalingon.
Narekober sa crime scene ang usa ka kalibre .45 nga pistola, samtang misurender sa kapulisan ang suspek human sa insidente.
Nakig-alayon ang Maasim Municipal Police Station sa Scene of the Crime Operatives o SOCO alang sa pagproseso sa crime scene ug forensic examination, samtang nagpadayon ang imbestigasyon aron matino ang tibuok sirkumstansiya sa insidente.
