-- ADVERTISEMENT --
Mitaliwan na ang stand-up comedian nga si Kirara Kawai.
Gikumpirma kini sa iyang mga paryente pinaagi sa usa ka post sa social media.
Apan, wala na maghatag og dugang detalye ang pamilya kalabot sa hinungdan sa pagkamatay sa komedyante nga si Rodolfo Rausa Jr. sa tinuod niyang kinabuhi.
Nakahimutang ang iyang mga patayng lawas sa Prudential Memorial Chapel sa Sampaloc, Manila sugod niadtong Huwebes hangtod karong Domingo, Oktubre 25.
Si Kawai na ang ika-upat nga stand-up comedian nga namatay karong Oktubre. Una nang namatay si Dax Martin II niadtong Oktubre 8 sa edad nga 56 anyos.
-- ADVERTISEMENT --
Misunod si Arnell Tamayo nga namatay sa edad nga 61 anyos niadtong Oktubre 14, samtang si Noel Montero nga 46 anyos ang edad, namatay niadtong Oktubre 16.
