Plano sa Department of Transportation (DOTr) nga ipadayon ang pribatisasyon sa operasyon sa Metro Rail Transit Line 3 (MRT-3) pinaagi sa usa ka concession agreement.
Sumala ni DOTr Secretary Giovanni Lopez, ang pag-bid alang sa P103.6-bilyon nga MRT-3 concession gilauman nga magsugod sa tunga-tunga sa 2027.
Tumong sa departamento nga mapaayo ang serbisyo sa linya sa tren, madugangan ang gidaghanon sa mga tren nga magamit alang sa operasyon, ug makunhuran ang taas nga oras sa paghulat sa mga pasahero sa matag estasyon.
Gikataho nga pinal na usab ang desisyon sa gobyerno nga ibutang ang MRT-3 ubos sa usa ka lahi nga concession agreement, imbes nga ilakip kini sa operasyon sa ubang mga linya sa tren sa nasud.
Gibanabana nga 388,000 ka mga pasahero ang mosakay sa MRT-3 kada adlaw.
Kini gilangkoban sa 13 ka mga estasyon nga nahimutang sa EDSA.
