Miabot na sa 16 ang ihap sa mga namatay human miigo ang magnitude 7 nga linog sa rehiyon sa Nagqu sa Tibet. Sumala sa United States Geological Survey (USGS), ang sentro sa linog nahimutang mga 183 ka kilometro sa sidlakan-amihanang-sidlakan sa Nagqu.
Gawas sa mga namatay, 339 ka balay usab ang gitaho nga nahugno tungod sa kakusog sa linog.Gipadala sa mga awtoridad ang rescue teams aron motabang sa mga apektadong lugar ug mangita sa posibleng mga buhi pa.
Gisuspinde usab sa gobyerno ang operasyon sa mga tren ug tugpahanan isip kabahin sa mga lakang sa pagtubag sa kalamidad.
Samtang, gipalihok na sa China Earthquake Administration ang Level II emergency response aron mapadali ang koordinasyon ug pagpatuman sa mga operasyon sa pagluwas ug pagtabang sa mga apektadong komunidad.
