-- ADVERTISEMENT --
GENSAN- Nagpadayon ang Department of Social Welfare and Development o DSWD Field Office 12 sa paghatag og pinansyal nga tabang sa mga pamilyang naapektuhan sa magnitude 7.8 nga linog niadtong Hunyo 8, 2026.
Kagahapon, Oktubre 22, gipahigayon ang unang tranche sa payout alang sa mga benepisyaryo gikan sa Barangay Calumpang, General Santos City, aron matabangan sila sa pagtubag sa ilang nag-unang mga panginahanglan.
Gihatag ang tabang pinaagi sa UPLIFT Assistance o emergency cash transfer alang sa mga biktima sa kalamidad.
Pinaagi niini, gitumong sa DSWD 12 nga masuportahan ang mga pamilyang naapektuhan sa linog ug matabangan silang makabangon gikan sa epekto sa maong kalamidad.
