Naka-isyu na ang Bureau of Internal Revenue o BIR og kapin sa 52,700 ka Certificates of Registration nga adunay Registration Seal Badge alang sa mga online seller, service provider ug content creator sukad Oktubre 14, 2026.
Tumong sa maong badge nga mapanalipdan ang pribadong impormasyon sa mga rehistradong negosyo ug propesyonal sa digital platforms, ubos sa Revenue Memorandum Circular No. 38-2026.
Puli kini sa polisiya niadtong 2024 nga nag-obligar sa mga negosyo nga ipakita ang kompletong kopya sa ilang Certificate of Registration o electronic COR sa ilang mga website ug social media pages.
Kabahin kini sa DARES reform agenda sa BIR nga naglakip sa digital transformation, electronic registration, digital TIN identification, Taxpayer Portal ug hinay-hinay nga pagpatuman sa electronic invoicing.
Samtang, gipalugway sa BIR hangtod Oktubre 31, 2026 ang deadline sa pag-post sa registration seal badge sa mga digital page, ubos sa RMC No. 99-2026.
Giawhag sa ahensya ang mga magbubuhis nga kuhaon ug ipakita dayon ang ilang badge, nga mahimong i-scan sa mga konsumidor aron masuta ang pagkalehitimo sa online nga negosyo sa dili pa sila motransaksyon.
