Gitugyan na sa Malakanyang ngadto sa Office of the Ombudsman ang pag-imbestiga sa matud pa sayop nga paggamit sa confidential funds ni Vice President Sara Duterte.
Mao kini ang tubag ni Palace Press Officer Undersecretary Claire Castro sa pangutana bahin sa reaksyon sa Palasyo sa posibleng pagpasaka og kaso sa Bise Presidente, ilabi na nga isumite na sa prosecution panel ang mag ebidensyang nakaplagan niini sa impeachment ni VP Sara ngadto sa Ombudsman.
Matud ni Castro, kung dunay igong ebidensya ang Ombudsman kay kinahanglang manubag ang bisan kinsang adunay nahimong kalapasan ubos sa balaod.
Dugtong niini, mipahayag usab si Castro nga itugyan na lang sa Ombdusman nga mobuhat sa mga mandato niini ug tan-awon kung unsa ang mahimong resulta sa ilang pagpahigayon og imbestigasyon.
