Pope Leo XIV, nakagawas na sa ospital ug manguna sa Angelus Prayer sa Vatican karong Dominggo

Gipagawas na sa ospital si Pope Leo XIV human siya mapailalom sa operasyon sa iyang baga.

Gikan sa Gemelli Hospital sa Rome, midiretso dayon ang Santo Papa sa iyang apartment sa Vatican.

Gipahibalo sa Holy See Press Office nga manguna na ang Santo Papa sa Angelus Prayer karong Dominggo gikan sa Apostolic Palace.

Nahinumdoman nga upat ka adlaw nga nagpabilin sa ospital ang 71-anyos nga Santo Papa human gitangtang sa mga doktor ang namuong tisyu sa iyang baga.

Gipasalig usab sa iyang mga doktor nga walay komplikasyon nga nahitabo ug maayo na ang kahimtang sa Santo Papa.