Misupak si Senador Bong Go sa planong pagpataas sa bayad sa pasaporte gikan sa P950 ngadto sa P1,500.
Kini ang reaksyon ni Go human gipahayag ni Finance Committee Chair JV Ejercito nga ang APO Production, nga nag-imprinta sa mga pasaporte sa gobyerno, mihangyo nga pataason ang bayad aron mapadayon ang ilang produksiyon.
Matud ni Go, dili kini ang hustong panahon sa pagpataas sa bayad tungod sa taas nga presyo sa mga produkto ug serbisyo, unemployment rate, ug mga problema nga giatubang sa mga overseas Filipino workers.
Gipahinumdoman usab ni Go nga gipalugway ngadto sa 10 ka tuig ang validity sa pasaporte atol sa miaging administrasyon aron matabangan nga matabonan ang gasto sa renewal.
Bisan pa sa iyang pagsupak, gisugyot ni Go nga tun-an pag-ayo sa gobyerno ang proposal ug gikonsiderar ang paggamit sa pondo sa gobyerno aron masuportahan ang operasyon kung madayon ang pagpataas sa bayad.
