Dakong garbo si Kris Lawrence kang Katrina Halili human kini manguna sa “Most Beautiful Women in Asia” nga listahan sa Coveted Asia.
Ang Coveted Asia usa ka digital media platform nga nagpagawas og nagkadaiyang ranking ug pagkilala alang sa mga personalidad ug prominenteng figure sa Asia.
Nagpasalamat usab si Katrina sa maong pagkilala, lakip na sa Ginoo, sa iyang pamilya, team ug mga supporters nga padayon nga naghatag og suporta kaniya.
Matud ni Katrina, dili lamang kini nga pagkilala alang kaniya kundili alang usab sa tanang tawo nga kanunay anaa sa iyang kiliran.
Samtang, mipadayag si Kris nga dugay na niyang nahibaloan nga matahum si Katrina ug dili na siya natingala sa maong pagkilala.
Matud ni Kris, mas nakapahimo kang Katrina nga matahum ang iyang maayong pagkatao ug kung kinsa siya sa luyo sa iyang makita sa publiko.
