Patay sa nasunog nga MV June Aster mikabat na sa 77

Mikabat na sa 77 ang ihap sa mga namatay sa nasunog nga barko nga M/V June Aster sa Coron, Palawan.

Matud sa Philippine Coast Guard (PCG), namatay na ang usa ka crew member human sa pipila ka adlaw nga pagpabilin sa ospital.

Wala na matod pa nakalahutay ang biktima sa mga samad nga iyang naangkon tungod sa sunog sa ferry.

Mikabat na usab sa 44 ang ihap sa mga survivors human mipakita na usab ang kapitan sa M/V June Aster.

Dugang sa PCG, walo na lamang ka tawo ang gi-report nga missing.

Sa unang datos sa PCG, 12 ang gi-report nga missing, apan sa ilang pag-verify, upat ka pasahero ang wala makasakay sa barko.

Mikabat usab sa 44 ang mga nakalahutay sa pagkasunog sa barko nga nahitabo niadtong Setyembre 9.