Gipahibalo sa Iran nga adunay regional meeting nga ipahigayon sa Oman karong umaabot nga Lunes aron hisgutan ang luwas nga pag-agi sa mga barko sa Strait of Hormuz.
Sumala sa Foreign Ministry sa Iran, apil sa gipaabot nga motambong ang mga representante gikan sa Iran ug pipila ka Gulf states.
Lakip sa hisgutan sa maong tigom ang resulta sa negosasyon tali sa Iran ug Oman, ilabina ang mga lakang aron masiguro ang luwas ug hapsay nga pag-agi sa mga barko sa maong estratehikong ruta.
Importante ang Strait of Hormuz sa global nga patigayon tungod kay usa kini sa mga nag-unang agianan sa mga barkong nagdala og lana ug uban pang energy products.
Gilauman usab nga hisgutan sa mga partisipante ang dugang nga koordinasyon aron mapadayon ang seguridad ug kagawasan sa paglayag sa maong lugar.
