Gilauman sa prosecution nga mosaka ang interes sa publiko sa impeachment trial ni Vice President Sara Duterte kung hisgutan na sa sunod semana ang alegasyon sa unexplained wealth.
Sumala kang Manila Representative Joel Chua, pilion lamang sa prosecution ang mga importanteng bank account ug financial records ni Duterte nga gi-report sa mga bangko isip ebidensya ubos sa Article 2 sa impeachment case.
Sila Representatives Chel Diokno ug Terry Ridon ang gilauman nga mopresentar sa mga ebidensya.
Matud ni Chua, mahimong interesado ang publiko sa mga impormasyon nga ilang ipagawas.
Alang kang Deputy Speaker Paolo Ortega V, usa sa labing gipaabot sa impeachment proceedings ang alegasyon bahin sa bilyon-bilyong pisong pondo nga gilambigit kang Duterte.
Aron mapadali ang pagtaral, dili na ipresentar sa prosecution ang tanang bank account ug transaksyon. Pilion lamang niini ang mga rekord nga giisip nga importante aron mapamatud-an ang ilang alegasyon.
Gikatakdang sugdan sa prosecution sa Lunes ang pagpresentar sa mga ebidensya may kalabotan sa alegasyon sa giingong unexplained wealth ni VP Sara.
