Mokabat sa 856,291.91 metric tons ang kinatibuk-ang natala nga produksyon sa sektor sa panagat sa Pilipinas sa unang tulo ka bulan sa 2026, base sa Fisheries Situation Report sa Philippine Statistics Authority o PSA.
Nanguna sa datos ang aquaculture human kini nakahatag sa pinakadakong bahin sa produksyon nga mokabat sa 432,755.09 metric tons, bugti sa kapin katunga o 50.5 percent sa kinatibuk-ang produksyon sa nasud.
Ikaduha ang commercial fisheries nga nakatala og 205,234.50 metric tons nga kuha, o mokabat sa 24 percent sa kinatibuk-ang volume sa nasudnong produksyon.
Misunod ang marine municipal fisheries nga nakahatag og 168,022.38 metrics tons nga kuha, bugti sa 19.6 percent nga bahin sa kinatibuk-ang produksyon.
Anaa sa kataposang ranggo ang inland municipal fisheries nga nakaproduce og 50,279.95 metric tons sa unang bahin sa tuig, o 5.9 percent nga ambag sa nasudnong produksyon sa panagat.
Sa kinatibuk-an, gipakita sa datos sa PSA nga ang aquaculture ug commercial fishing nagpabiling nag-unang tinubdan sa suplay sa isda ug uban pang yamang-dagat sa Pilipinas.
