Target sa House prosecution panel nga mahuman sa Setyembre 9 ang pagpresentar sa ebidensiya batok kang Vice President Sara Duterte may kalabotan sa giingong sayop nga paggamit sa confidential funds.
Matud ni lead prosecutor Rep. Gerville Luistro, magpadayon ang pagdungog sa Senate Impeachment Court gikan Setyembre 7 hangtod 9, diin lima ka mga testigo ang gilauman nilang ipresentar.
Lakip sa mga testigo ang mga opisyal ug empleyado gikan sa DepEd, PSA, PNP ug COA. Posibleng dili na makatestigo ang kanhi DepEd special disbursing officer Edward Fajarda tungod sa iyang stroke.
Samtang, giingon ni Luistro nga ang target nga Setyembre 9 para lamang sa Article I, samtang wala pa masugdi ang presentasyon sa ebidensiya alang sa Article II ug Article III.
