Nanawagan ang kampo ni kanhi House Speaker Ferdinand Martin Romualdez sa Ombudsman nga patas ang proseso ug hatagan siya og higayon nga makatubag sa bag-ong mga alegasyon batok kaniya may kalabotan sa flood control scam.
Matud ni Atty. Ade Fajardo, tigpamaba ni Romualdez, gusto nilang masayran kung adunay bag-ong pahayag si kanhi DPWH Secretary Manuel Bonoan o ang 28 ka bag-ong testigo batok sa kanhing Speaker.
Gihangyo usab sa kampo ni Romualdez nga hatagan sila og igong panahon sa pagtubag samtang anaa pa sa preliminary investigation ang kaso.
Niadtong Agosto 20, nagsumite si Romualdez og supplemental affidavit ug mipunto sa pagbawi sa mga alegasyon sa lima ka “Maleta Boys,” lakip si Orly Guteza.
Giinsistir sa iyang kampo nga human sa maong mga pagbawi, wala nay igo ug kredibleng ebidensiya batok kang Romualdez.
