-- ADVERTISEMENT --
Miabot na sa 277 ang namatay tungod sa leptospirosis gikan Enero 4 hangtod Agosto 22 karong tuiga, sumala ni Health Undersecretary Gloria Balboa.
Matud ni Balboa, 62 porsyento nga mas ubos kini kumpara sa parehas nga panahon niadtong miaging tuig, diin miabot sa 725 ang namatay.
Mas ubos usab sa 37 porsyento ang kinatibuk-ang kaso sa leptospirosis gikan Enero hangtod Agosto kumpara sa miaging tuig.
Apan namatikdan ang 29 porsyentong pagsaka sa kaso gikan Hulyo hangtod Agosto, diin 495 ka kaso ang naitala sa maong panahon.
Gipasabot ni Balboa nga kasagarang mosaka ang kaso sa leptospirosis panahon sa ting-ulan, busa padayon kining gibantayan sa Department of Health, ilabina ang mga pasyenteng nagpaospital sa mga pampublikong ospital.
-- ADVERTISEMENT --
