Gipadayon pag-usab sa Nepal ug China ang rescue operations sa mga lugar nga grabeng naapektuhan sa pagbaha sa rehiyon sa Himalayas niadtong Biyernes, human makaabot ang Chinese rescue team sa Gyirong border crossing complex.
Sa unang higayon sukad nahitabo ang trahedya, nakasulod ang mga awtoridad sa nadaot nga pasilidad sa utlanan, diin ilang gihulagway nga halos puro na lang kaguba ang nahabilin.
Nagsugod ang makalilisang nga katalagman human mibuto ug miguba ang usa ka dakong glacier niadtong Miyerkules, nga nagpagawas og kusog nga agos sa mga bato, yelo, lapok ug mga debris ngadto sa mga sistema sa suba sa kabukiran.
Miabot na sa labing menos 579 ang kumpirmadong namatay sa Nepal tungod sa kusog nga pagbaha, samtang pito usab ang namatay sa rehiyon sa Tibet sa China.
Padayon ang paningkamot sa mga rescue personnel gikan sa duha ka nasud aron pangitaon ang gatusan ka mga tawo nga gikatahong nawala taliwala sa baga nga lapok ug mga imprastraktura nga naguba tungod sa kalamidad.
