Zaldy Co ug pipila ka DPWH officials, gikasuhan ug kaso sa Ombudsman sa Sandiganbayan

Nagpasaka og kaso sa Sandiganbayan ang Office of the Ombudsman batok kang kanhi Ako Bicol Party-list Rep. Zaldy Co ug pipila ka opisyal sa Department of Public Works and Highways o DPWH.

Graft ug malversation ang mga kaso nga gisang-at sa Ombudsman may kalabotan sa giingong maanomalyang ₱77-milyon nga flood control project sa Balagtas, Bulacan.

Gisundan ang paghain sa kaso human nakit-an sa Ombudsman nga adunay “probable cause” aron kasuhan si kanhi Rep. Co ug ang mga opisyal sa DPWH.