Misaka na sa kapin 470 ang ihap sa mga namatay sa makadaot nga flash flood sa Nepal ug Tibet, samtang nagpadayon ang search and rescue operations alang sa mga survivors ug mga missing.
Sa Nepal, 469 ang kumpirmadong patay ug 977 ang missing, samtang sa Tibet, tulo ang namatay ug 558 ang gikatahong nawala.
Gipahinabo ang katalagman sa pagkahugno sa glacier, nga nagpahinabo sa kusog nga pag-agos sa tubig, yelo, bato ug lapok nga nakalubong sa mga baryo ug nakaguba sa mga dalan ug tulay.
Kapin 1,550 ka tawo na ang naluwas, lakip ang mga gipang-rescue pinaagi sa helicopter.
Samtang, gipahunong sa pipila ka lugar ang operasyon tungod sa hulga sa barrier lake nga naporma duol sa utlanan sa Nepal ug China ug posibleng mobuak, nga mahimong magpahinabo og laing dakong baha.
