Nagpadayon ang Philippine Coast Guard o PCG sa search and rescue operations alang sa tulo ka pasahero nga gikatahong nawala human mitipak ang usa ka motorbanca sa Mapanuepe Lake sa San Marcelino, Zambales karong Biyernes, Agosto 28.
Sumala sa PCG, nagpahigayon ang ilang mga personnel og seaborne patrol kaganinang buntag aron susihon ang lugar diin nahitabo ang insidente.
Kabahin kini sa pagpangandam alang sa underwater search and rescue operations, diin palapdan pa ang pagpangita sa tulo ka pasahero nga wala pa makita.
Padayon usab nga gisusi sa mga rescuers ang kahimtang sa maong lugar ug ang mga posibleng dapit diin mahimong makita ang mga missing nga pasahero.
Gipasalig sa PCG nga magpadayon ang operasyon hangtod nga makit-an ang tulo ka missing nga pasahero.
