Gipadayag sa World Health Organization o WHO nga ang outbreak sa Ebola sa Democratic Republic of the Congo (DRC) nagsugod na pipila ka bulan sa wala pa kini opisyal nga ideklara sa mga otoridad.
Base sa genomic sequencing, nadiskubrehan nga ang Bundibugyo strain sa Ebola virus posibleng nagsugod na sa pagkaylap sukad pa niadtong Pebrero, samtang opisyal lamang nga gideklara ang outbreak kaniadtong Mayo.
Giingon sa WHO nga ang pipila sa unang mga kaso posibleng nasayop og diagnosis isip malaria o typhoid, hinungdan sa pagkalangan sa tukmang pag-ila ug pagtubag sa outbreak.
Samtang, padayon nga paspas ang pagkaylap sa sakit sa DRC, diin gikabalak-an sa mga health officials ang daghang kaso nga wala masubay tungod sa kakulang sa contact tracing, problema sa seguridad ug kalisod sa pag-abot sa pipila ka komunidad.
Ang outbreak nagresulta sa Bundibugyo virus, usa ka klase sa Ebola nga sumala sa WHO adunay case fatality rate nga miabot sa 30 ngadto 50 percent sa miaging mga outbreak.
