Temporaryo nga gisuspende ang women’s singles final sa Mubadala DC Open tali sa top seed nga si Jessica Pegula ug Filipina tennis star nga si Alex Eala tungod sa ulan.
Nanguna si Pegula human modaog sa unang set, apan si Eala ang nag-una sa ikaduhang set, 2-1. Una pa gani nga nalangan og tulo ka oras ang pagsugod sa duwa tungod sa dili maayong panahon.
Sa unang set, naka-break si Eala ug nanguna og 4-3, apan nakabalik si Pegula human makuha ang sunod-sunod nga puntos.
Napugos niya og tabla ang iskor sa 4-4, dayon nakabreak siya kang Eala ug nakadaog sa unang set human sa usa ka love hold.
Sa ikaduhang set, nag-ilis sila og daog sa ilang mga serbisyo sa unang tulo ka duwa sa dili pa gipahunong ang duwa tungod sa ulan.
Si Pegula unta ang moserve sa pagpadayon sa duwa. Sa kasamtangan padayon pa nga gina hulat nga mag-ayo ang lakat sa panahon aron makapadayon sa maong dula
