Dili moubos sa 13 ka tawo ang namatay sa managlahing pag-atake sa Russia ug Ukraine niadtong miaging adlaw.
Sa bahin sa Ukraine, gitarget sa Russia ang mga siyudad sa Zaporizhzhia, Odesa, Kharkiv, Sumy, Donetsk, ug Kryvyi Rih, nga miresulta sa pagkamatay sa mga sibilyan ug pagkaguba sa mga building.
Sa laing bahin, gikataho sa Russia nga usa ka sibilyan ang namatay sa rehiyon sa Belgorod tungod sa pagpabuto gikan sa Ukraine.
Sumala sa mga taho, migamit ang Russia og guided bombs, missile strikes, ug drone attacks nga hinungdan sa dakong kadaot ug pagkaangol sa kapin 50 ka tawo.
Sa Odesa, miigo ang missile strike sa mga imprastraktura sa sibilyan, samtang sa Sumy region, tulo ka tawo ang namatay tungod sa pag-atake gamit ang aerial bomb.
Samtang, gi-report sa Moscow nga gitarget sa Ukraine ang pipila ka mga cargo ship sa Sea of Azov, nga gigamit sa pagdala sa mga produktong pang-agrikultura ug suplay padulong sa Crimea.
Nagpadayon ang pagsamot sa tensyon sa gubat nga milungtad na og kapin upat ka tuig, diin nagpasidaan ang United Nations nga ang Hunyo 2026 nahimong labing makamatay nga bulan alang sa mga sibilyan sukad Abril 2022.
