Adunay gamay nga pag-usab sa lebel sa dagat human sa magnitude 6.5 nga linog nga nahitabo sa kadagatan duol sa Balut Island, Sarangani, Davao Occidental, sumala sa Philippine Institute of Volcanology and Seismology.
Matod sa PHIVOLCS, posibleng makasinati ang maong mga lugar og pagtaas sa balod nga ubos sa usa ka metro kumpara sa kasagarang lebel sa dagat. Posible usab nga mas taas ang balod sa mga enclosed bays ug enclosed straits.
Gibanabana nga ang unang mga balod nga nalambigit sa maong sea level disturbance nasinati tali sa alas 11:49 sa gabii sa Hulyo 14 ug alas 12:09 gainang kaadlawon sa Hulyo 15, 2026. Posible usab nga magpadayon ang maong mga balod sulod sa pipila ka oras.
Gipahimangnoan sa PHIVOLCS ang publiko nga magmatngon sa bisan unsang dili kasagarang pagtaas sa balod ug likayan una ang pagpabilin sa mga baybayon sa mosunod nga mga lugar lakip ang, Sarangani, Davao Occidental ug General Santos City.
Gitambagan usab ang mga tag-iya sa mga sakayan nga anaa sa mga pantalan, suba, ug mabaw nga bahin sa dagat nga siguruhong luwas ang ilang mga sakayan ug magpalayo una sa baybayon.
Giklaro sa PHIVOLCS nga wala pa sila nagpagawas og evacuation order kalabot sa maong sea level disturbance.
