-- ADVERTISEMENT --
Gisultihan matod pa ni US President Donald Trump ang iyang mga adviser nga bombahon ang Iran kung siya mamatay.
Sa usa ka interbyu, miingon si Trump nga kung adunay mahitabo kaniya, ang Iran kinahanglan matod nga atakehon sa lebel nga wala pa niini masinati sukad.
Niadtong Pebrero 2025, una nang miingon si Trump nga “mawala” ang Iran kung siya patyon.
Bisan pa nga iyang gilimod ang mga taho bahin sa bag-ong plano sa Iran nga ipapatay siya, giinsister ni Trump nga dugay na siyang giisip nga usa sa mga nag-unang target sa Tehran.
Kahinumduman nga mihulga ang Iran og panimalos batok kang Trump human sa iyang gimando nga drone strike niadtong 2020 nga mipatay kang Qassem Soleimani, kanhi kumander sa Quds Force sa Iran.
-- ADVERTISEMENT --
