SARANGANI- Narekober na ang walo ka patayng lawas sa mga biktima sa landslide nga miigo sa Sitio Fandao, Barangay Poblacion, Malapatan, Sarangani Province niadtong Hulyo 10, 2026.
Samtang, usa pa ka indibidwal ang nagpabiling missing.
Gihimo ang retrieval operation sa mga responder lakip ang mga sundalo sa 73rd Infantry “Neutralizer” Battalion, 10th Infantry Division, Philippine Army, kauban ang Municipal Disaster Risk Reduction and Management Office, lokal nga panggamhanan, mga disaster response team, ug mga boluntaryo .
Ang maong landslide nahitabo tungod sa padayon nga kusog nga pag-ulan nga gipasamot sa habagat ug epekto sa Bagyong Inday.
Nagpadayon ang mga awtoridad sa pagmonitor sa lugar ug sa pagpangita sa posibleng naapektuhan sa trahedya, samtang padayon usab ang paghatag og tabang sa mga pamilyang naapektuhan.
