Gitugotan sa International Criminal Court Trial Chamber III ang hangyo sa Prosecution nga masusi ang pipila ka mga materyales nga nakuha gikan kang Rodrigo Duterte human sa iyang pagdakop.
Sa desisyon nga gipagawas niadtong Hulyo 3, giingon sa ICC nga ang maong mga materyales, nga anaa na sa kustodiya sa Registry, mahimong adunay ebidensiyang makatabang sa padayon nga imbestigasyon.
Apan, sa laing desisyon sa maong adlaw, gisalikway sa korte ang hangyo sa Prosecution nga ma-access ang tanang mga yawe nga nakit-an sa mga gamit ni Duterte. Matud sa ICC, dili kini kinahanglan alang sa imbestigasyon ug mahimong makalapas sa katungod sa privacy sa ubang mga tao, ilabi na kay ang mga yawe nakuha sa dihang nagbiyahe siya uban sa mga miyembro sa iyang pamilya.
