Giinsistir ni Senador Rodante Marcoleta nga ang P75 milyon nga kontribusyon sa kampanya nga wala niya gideklara sa iyang Statement of Contributions and Expenditures ug Statement of Assets, Liabilities, and Net worth dili maisip nga ill-gotten wealth ubos sa balaod.
Mao kini ang hinungdan nganong masaligon siya nga kon ipadayon sa Office of the Ombudsman ang pagpasaka og mga kasong plunder batok kaniya, ibasura kini sa korte sa anti-graft.
Dugang niya nga ang plunder nagtumong sa pagtigom sa ill-gotten wealth ug dili sa pagdawat og suporta pinansyal sa eleksyon gikan sa mga higala ug pribadong indibidwal.
Giingon usab sa senador nga nadawat niya ang mga donasyon sa wala pa magsugod ang panahon sa eleksyon alang sa eleksyon sa 2025, busa wala niya kini ilakip sa iyang deklarasyon.
Lakip sa mga giingong naghatag og donasyon mao sila si kanhi Anakalusugan Rep. Mike Defensor ug mga negosyante nga sila si Joseph Espiritu ug Aristotle Viray.
