Nakasulod ang Ecuador sa knockout stage sa 2026 FIFA World Cup human mapildi ang four-time World Cup champion nga Germany pinaagi sa 2-1 nga kadaugan.
Nahuman ang duwa sa Group E alas-6:00 sa buntag, oras sa Pilipinas.
Una nga nakaiskor ang Germany pinaagi kang Leroy Sané sa ikaduhang minuto, apan mitubag dayon ang Ecuador pinaagi sa goal ni Nilson Angulo sa ikasiyam nga minuto.
Sa ika-77 nga minuto, giseguro ni Gonzalo Plata ang kadaugan sa Ecuador pinaagi sa iyang mahinungdanong goal.
Sa wala pa kini nga duwa, nakasiguro na ang Germany sa ilang pagsulod sa knockout stage human madaog ang ilang unang duha ka mga duwa.
Mitapos ang Ecuador sa ikatulong puwesto sa Group E apan nakasiguro gihapon og lugar sa Round of 32 isip usa sa walo ka labing maayong third-placed teams, human makatigom og upat ka puntos sa group stage.
Samtang, sa laing duwa, gipildi sa Ivory Coast ang Curaçao, 2-0, aron makasulod usab sa sunod nga hugna isip runner-up sa Group E.
