Usa ka bahin sa Pier Site sa Sitio Balete, Barangay Alimsog sa lungsod sa Sto. Domingo, Albay naliki human sa magnitude 5.3 nga linog niadtong Hunyo 5, 2026, alas 9:57 sa gabii.
Matod sa Philippine Institute of Volcanology and Seismology (PHIVOLCS), ang linog adunay gilawmon nga 9 kilometros ug nasentro gibana-bana nga 15 kilometros habagatan-sidlakan sa Sto. Domingo, Albay.
Intensity V natala sa Sto. Domingo ug Legazpi City, samtang ang Intensity IV natala sa Tabaco City, Ligao City, Malilipot, Albay, ug pipila ka lungsod sa Sorsogon sama sa Cogon, Irosin, ug Donsol. Nabati usab ang Intensity III sa Naga City, Malinao, Albay, ug sa Sorsogon City, Prieto Diaz, ug Juban. Intensity II ang natala sa Goa, Camarines Sur, ug Bulan, Sorsogon.
Sa instrumental intensities, Intensity VI ang natala sa Tabaco, Albay; Intensity V sa Castilla, Sorsogon; Intensity IV sa Sorsogon City ug Iriga City, Camarines Sur; Intensity III sa Prieto Diaz, Sorsogon; Monreal, Masbate; Sagnay, Sipocot, Pili, ug Mercedes, Camarines Sur; ug Intensity II sa Pasacao ug Ragay, Camarines Sur; Milagros, Masbate; San Roque ug Gandara, Northern Samar.
Sa pagkakaron, padayon pa ang assessment sa mga otoridad sa pagtino sa gidak-on sa kadaot, ilabina sa Pier Site nga nagpakita og mga liki human sa linog.
