Padayon nga gipahugtan sa General Santos City Police Office ang implementasyon sa curfew ordinance alang sa mga menor de edad isip kabahin sa kampanya sa syudad batok sa krimen ug kagubot.
Gimando ni City Director Eric De Venancio ngadto sa tanang police stations ug personnel ang estriktong pagpatuman sa curfew hours aron mapanalipdan ang kabatan-onan ilabina panahon sa kagabhion.
Matud ni De Venancio, dako ang tabang sa maong ordinansa aron malikayan nga malambigit ang mga minors sa lain-laing kriminalidad, away sa kadalanan ug uban pang insidente nga mahimong makahatag og peligro sa ilang seguridad.
Gipasiugda usab niini nga importante ang kooperasyon sa komunidad ug ang pagsunod sa lokal nga mga ordinansa aron mapadayon ang malinawon ug hapsay nga kahimtang sa syudad…
Samtang, padayon usab ang pahimangno sa kapulisan ngadto sa mga ginikanan nga bantayan pag-ayo ang ilang mga anak ug siguruhong anaa na kini sa ilang panimalay sulod sa gitakdang oras sa curfew aron malikayan ang posibleng problema ug paglapas sa balaod.
